Ҳадаф
Нест кардани навъи муҳтавои нолозим аз сомонаи шахсӣ ё расмӣ.
Донишҳои зарурии пешакӣ
Саҳифаи «Маълумоти умумии маъмурӣ»
Шартҳои зарурии сомона
Дар сомонаи шахсӣ ё расмӣ навъи муҳтавои нолозим бояд вуҷуд дошта бошад. Барои мисол, шумо навъи муҳтавоеро таҳия кардед, ки дар сомонаи шахсӣ ё расмии шумо дигар лозим намешавад.
Қадамҳо
1. Дар менюи маъмурии «Идоракунӣ» ба «Сохтор» > «Навъҳои муҳтаво» (admin/structure/types) гузаред. Саҳифаи «Навъҳои муҳтаво» кушода мешавад, ки дар он саҳифа ҳамаи навъҳои муҳтавои дастрас нишон дода мешаванд.
2. Аз рӯйхати «Навъҳои муҳтаво» дар сутуни «Амалҳо» дар баробари номи навъи муҳтавои нолозим (барои мисол, «Навъи муҳтавои санҷишӣ»)меню амалҳоро кушода, фармони «Нест кардан»-ро пахш кунед. Ба назар гиред, ки номҳо ва тавсифҳои навъҳои муҳтавое, ки аз ҷониби профили насби низоми шумо пешниҳод шудаанд, метавонанд дар ин саҳифа бо забони англисӣ ё ягон забони дигар нишон дода шаванд. Барои гирифтаи маълумоти бештар оид ба масъалаҳои тарҷума ва маҳаллисозии сомона ба забони тоҷикӣ, лутфан, ба саҳифаи «Тарҷумаи интерфейси корбар, танзимот ва муҳтаво» нигаред.
3. Саҳифаи тасдиқи амали интихобшуда нишон дода мешавад. Тугмаи «Нест кардан»-ро пахш кунед.
4. Саҳифаи «Навъҳои муҳтаво» бо паёми тасдиқкунандаи он, ки навъи муҳтаво нест карда шудааст, нишон дода мешавад.
