Илова кардани майдонҳои асосӣ ба навъи муҳтаво

Ҳадаф

Илова ва танзим кардани майдони «Пайванд» ва «Тасвир» ба навъи муҳтавои «Дастури корбар».

Донишҳои зарурии пешакӣ

Бахши 2.3, «Мафҳум: Унсурҳои муҳтаво ва майдонҳо»

Шартҳои зарурии сомона

Навъи муҳтавои «Дастури корбар» дар сомонаи расмии шумо бояд вуҷуд дошта бошад. Ба Бахши «Илова кардани навъи муҳтаво» нигаред.

Қадамҳо

  1. Майдони «Пайванд» барои ворид кардани нишонии «URL»-и манбаъи мавод ва майдони «Тасвир»-ро барои илова кардани тасвир ё тасвирҳои асосии мавод ба навъи муҳтавои «Дастури корбар» илова кунед.
  2. 1. Дар менюи маъмурии «Идоракунӣ» ба «Сохтор» > «Навъҳои муҳтаво» (admin/structure/types) гузаред. Саҳифаи «Навъҳои муҳтаво» кушода мешавад, ки дар он саҳифа ҳамаи навъҳои муҳтавои дастрас нишон дода мешаванд. Сипас дар тугмаи рӯйхати навъи муҳтавои «Дастури корбар» амали «Идора кардани майдонҳо»-ро пахш кунед. Саҳифаи «Идора кардани майдонҳо» кушода мешавад. Дар ин саҳифа шумо метавонед барои навъи муҳтавои интихобшуда майдони наверо эҷод кунед ё майдони мавҷудаеро интихоб карда, аз нав истифода баред. Ба назар гиред, ки номҳо ва тавсифҳои навъҳои муҳтавое, ки аз ҷониби профили насби низоми шумо пешниҳод шудаанд, метавонанд дар ин саҳифа бо забони англисӣ нишон дода шаванд. Барои гирифтаи маълумоти бештар оид ба масъалаҳои тарҷума ва маҳаллисозии сомона ба Бахши 3 «Мафҳум: Тарҷумаи интерфейси корбар, танзимот ва муҳтаво» нигаред.
  3. Сипас тугмаи «Эҷод кардани майдони нав»-ро пахш кунед. Саҳифаи «Илова кардани майдон» кушода мешавад.
  4. Дар фазои имконот бо майдонҳои дастрас, майдони «Истинод»-ро пахш карда, интихоб намоед. Равзанаи «Илова кардани майдон: Пайванд» кушода мешавад. Дар ин равзана номи барчаспро ворид намуда, тугмаи «Идома додан»-ро пахш кунед. Саҳифаи Танзимоти «Манбаи мавод» барои «Дастури корбар» кушода мешавад.
  5. Майдонҳоро тавре ки дар зер нишон дода шудааст, ё мувофиқи ниёзҳои худ пур кунед ва «Нигоҳ доштан»-ро пахш намоед.
  6. Акнун, барои эҷод кардани майдони «Тасвир», тугмаи «Эҷод кардани майдони нав»-ро пахш кунед. Саҳифаи «Илова кардани майдон» кушода мешавад.
  7. Дар фазои имконот бо майдонҳои дастрас, майдони «Боркунии файлҳо»-ро интихоб карда, пахш намоед.
  8. Равзанаи «Илова кардани майдон: Боркунии файлҳо» кушода мешавад. Дар ин равзана майдони барчаспро бо номи «Тасвир» ворид намуда, навъи майдонеро бо номи «Тасвир» интихоб намоед ва тугмаи «Идома додан»-ро пахш кунед.
  9. Саҳифаи Танзимоти «Тасвир» барои «Дастури корбар» кушода мешавад. Майдонҳоро тавре ки дар зер нишон дода шудааст, ё мувофиқи ниёзҳои худ пур кунед ва «Нигоҳ доштан»-ро пахш намоед.
  10. Дар ин қадам ду мавод ё саҳифаро бо сарлавҳаи «Илова кардани майдонҳои асосӣ ба навъи муҳтаво» ва «Майдон чӣ аст?» бо истифода аз навъи муҳтавои «Дастури корбар» эҷод карда, дар сомонаи расмии худ ҷойгир намоед.
Tajik